Тооноос чанар..

Чанартай хүн гэж хэн бэ??
Монголын нийгэмд чанартай хүн гэсэн ойлголт устаж үгүй болсон гэхэд хилсдэхгүй.
Хаашаа ч харсан их дээд сургууль төгссөн хий хоосон ажилтай, ажилгүй хийрхэлүүд, нэг их мөнгө төгрөгтэй боссонцорууд...
"Их сургууль төгссөн, тодорхой ажил хийдэг, ганц нэг гадаад хэлтэй, кармандаа хэдэн төгрөгтэй хэн нэгнийг чанартай хүн гэнээ" гэсэн бодол зарим нэг хүний толгойд эргэлдээстэй. Эргэлдээд ч зогсохгүй өөрөө тийм болохыг хичээнэ, цаашлаад өөрийн үр хүүхдээ энэ замруу чирч авчихрахыг улайрна. Эцэг эхийн заасан замаар зүтгэсээр нэг л мэдэхэд том болоод гэр бүл, нийгэм, мөнгөтэй, мөнгөгүй, хөөрхөн, муухай хэн болгоны өмнө "чанартай хүн" болж гарч ирнэ. Тэр "чанартай хүн"-ий дотор ямар хогын гэж хэлэхэд багадмаар зан төлөв бий болсон бол?? Хэлэхэд хэцүү.
Хичнээн их мэдлэгтэй байгаад дотроо муу хүнийг үйлдвэрлээд байвал . Эдгээр зусарч, дотоод сэтгэлгүй нөхдийг нийгэм маань бэлдэж гаргаад тэдэндээ "чанартай", "сайн" гэсэн тодотголуудыг өлгөөд явуулахад нүдтэй болгон харж, чихтэй бүхэн сонсч бишрээд, зарим боссонцорууд нь алгаа тосч бүүвэйлээд, эцэг эх нь толгой дээрээ өргөмжлөн цаашдын хавцалруу нь түлхэж унагаадаг нь нууц биш бидний түүх, бидний нийгэм.
Боловсролтой, хэлтэй, мэдлэгтэй байх нь буруу биш харин ч сайн. Гэхдээ дотроо гэрэлтэй, амьралын ухаантай, даруу, төлөвшсөн, зөв хандлагатай байж дээрээс нь мэдлэг боловсролтой хүнийг л жинхэнэ “чанартай хүн” гэж хэлмээр байна. Өнөөгийн Монголын нийгэм хүндээ биш “мал”-даа чиглэсэн үйл ажиллагааг түлхүү явуулж, анхаарлаа буруу эсрэг зүйлсдээ хандуулсанаар нийгэм маань “хүнгүй” болчихож. Ямар ч хүнгүй, хоосон тогтолцоо угаасаа цаашаа хөгжихгүй.
Төрийн сэнтийдээ 76 “чанартай хүн” –ээс өөр юмгүй болж, гэр бүл, албан байгууллага, улс эх орон маань “хүнгүй” хоосорчээ ..

“Хүнгүй” нийгмээ хүнжүүлэх эхний алхам.
Хүн болох багаасаа гэж сургаалиа хайрласан эртний өвөг дээдэс маань худлаа гэлээгүйэ. Алт шиг үгийг тосоод авах чихтэй, чанарлаг хүн байсангүй. Бид хэдий болтол хуурамч дүр эсгэгчдийг бэлдэж суух вэ? Хэдий болтол үр хүүхдээ хөсрийн замаараа чирж гулдчих вээ?? Цаг хугацааг нь асууваал 76 “чанартай хүмүүс” маань хариу хэлж үл чадна бизээ. Түүгээр үл барам хүнийг яаж бий болгох вэ гэдэг аргаа мэдэхгүй будилан, тээглэн яваа бусуу?
Монголын нийгэмд хүнийг сургууль байтугай гэдсэнд байгаа цагаас нь хүнийг хайрлах, хүндлэх чадвартай, хоорондоо эв нэгдэлтэй, үнэнч шударга, зөв хандлагатай хүүхдүүдийг бэлдэж гаргах хэрэгтэй байна. Суурь хүмүүжил нь гэдсэндээ, цэцэрлэг, сургуульд байх хугацаанд нь төлөвшүүлэх хэрэгтэй. “Цэцэрлэг, сургуульд нь “жинхэнэ чанартай хүн” гэж ямар байх ёстой вэ? яаж нийгэмд хүүхдийг хүн болгон хөгжүүлэх вэ? гэдэг чиглэлээр тусгай сургалтуудыг бий болгож, багш сурган хүмүүжүүлэгчээ үндсээр нь шинэчлэх нь эхний ээлжинд авах ёстой хамгийн чухал зам юмаа” гэж шороотой замаар чирүүлж, гулдчуулсан хуучин бууны хугархай мунхаг би боддог. Одооноос үнэхээр зөв хүмүүсийг бэлдэж эхлэвэл магадгүй 30, 40 жилийн дараа эрүүл нийгэм, жинхэнэ хүнтэй болох арга зам байгаа гэж үзэдэг.
Нийгмээ хүн шиг хүнтэй болгоход таны ч, миний ч дусал хөдөлмөр хэрэгтэй..

Энэ бичлэгийг www.vip76.mn улс төрийн нэгдсэн сайтын Иргэний индэрийн булангын нийтлэл хэсэгт давхар оруулсан болно.