"Нэг муу хужаагийн хог дээр хаясан гутал идье гэвэл Хятадаас оруулж ирсэн цэлцэгнүүр идээрэй"

2:15 AM |

За би бээр хувь заяаны эрхээр гэдэг шиг Хятадтай холбогдсон хүн. Хятадыг муулах дургүй ч бас магтаад байх сонирхол байхгүй. Тэднээс авах юмаа аваад, хаях юмаа хаях нь зүйтэй гэж боддог.

Манай улсын эдийн засгийн томоохон түнш болох Хятад улсаас бид импортын барааныхаа 20-30%-ийг авдаг. 2011 оны байдлаар нийт импортын 30 хувь буюу 2 тэрбум ам.долларын худалдааг урд хөрштэйгөө хийсэн байгаам. Үүний 1.5 тэрбум ам доллар буюу 75%-ийг нь хүнс болон өргөн хэрэглээний бараа эзэлж байсан.

Бид өөрсдөө хүнсний бүтээгдэхүүнээ үйлдвэрлэлгүй гаднаас авдагийн уршигаар мэдэхгүй газрын, танихгүй өвчин тусах, мөн хаа нэг гадны улсын хүнсний авулгүйн байдлын бодлогод өртөх магадлал тун өндөр байдгийг хаа хаанаа бодох шаардлага тулгарсаар..

Үүнтэй холбоотой ганц нэгхэн жишээ авахад:

Саяхан Хятадын сонин, сэтгүүлээр манайхны багачуудын амтархан иддэг цэлцэгнүүр, халбагаддаг жижиг савалгаатай тараг зэргийг гутлын хаягдлыг боловсруулан хийдэг тухай шуугисан. Үүний дараа Хятад дахь цэлцэгнүүрийн борлуулалт даруй хэдэн арван хувиар багассан боловч эскпортын хэмжээ нь эрс нэмэгдсэн тухай сонсов. Тэр ч бүү хэл манай нэг найз joke болгож хэрвээ Хятад хүний хог дээр хаясан гутал идье гэвэл манайд хийсэн цэлцэгнүүр (jelly) идээрэй гэж хошигносон удаатай..

Мөн үүнтэй адил хүнсний ногоо, жимс, эм, хүнсний нэмэлт хольц зэрэгтэй холбоотой олон жишээ байдагийг уншигч та мэр сэр сонсч байсан бизээ. Жирэмсэн эмэгтэйчүүд хүүхдээ зулбах, хүүхэд нь гэдсэн дотроо амьгүй болох зэрэг тохиолдлууд манай улсад ихэссэн нь ч бас эдэнтэй холбоотой.

Хүнсний аюулгүй байдал гэдэг үг хэллэгийг хэдийнээс Монголчууд хэрэглэх болсон, энэ нь ямар утгаар хэрэглэгддэгийг би сайн мэддэггүй ч Хятад, Энэтхэг зэрэг хүн ам олонтой улсад хүнийхээ тоог барих гэж гаргадаг төрийн бодлогыг хэлдэг юм билээ. Нэг удаа манай улсын мундаг дипломатч Хятадад олон улсын хуралд оролцох үеээрээ "манай улс хүнсний аюулгүйн бодлого дээрээ маш их анхаарч ажилладаг" гэж хэлснээрээ бусад улсын удирдагч нарыг алмайруулж байсан түүхтэй. Тэхээр манайх шиг хүн ам цөөтэй хөгжиж буй улсад хүнсний аюулгүй байдал гэж ярихаас илүү үндэсний аюулгүй байдлаа чухалд тавьж бодлогын хүрээнд томхон хөдлөх хэрэгтэй гэж үздэгээ ирээдүйн дипломатчын хувьд, Монгол улсын иргэн хүний хувьд хэлмээр байна..

Mikarito Mika 2012.07.09